Rusiya vətəndaşıları İrandan Azərbaycan vasitəsilə təxliyə edilib

Rusiyanın Bakıdakı səfirliyi İrandan Azərbaycan sərhədi vasitəsilə 50 Rusiya vətəndaşının təxliyə edildiyini bildirib.

"PostMedia" xəbər verir ki, bu barədə Səfirliyin açıqlamasında qeyd edilir.

“Rusiyanın Azərbaycandakı səfirliyi məlumat verir ki, 2026-cı il martın 1-də Rusiya vətəndaşlarının İran və Azərbaycan arasındakı dövlət sərhədini "Astara" buraxılış məntəqəsi vasitəsilə təşkil olunmuş şəkildə keçidi başlayıb. Hazırkı məlumata görə, sərhədi 50 Rusiya Federasiyası vətəndaşı keçib”, – deyə diplomatik nümayəndəliyin açıqlamasında qeyd olunub.

Səfirliyin əməkdaşları Azərbaycan hakimiyyət orqanları ilə birgə vətəndaşlara hərtərəfli yardım göstəriblər.