Rusiya vətəndaşlarının təxliyəsinə görə Overçuk Azərbaycan prezidentinə təşəkkürünü bildirib

İrandakı gərgin vəziyyət fonunda Rusiya vətəndaşlarının Azərbaycan ərazisi vasitəsilə təxliyəsi davam edir. "PostMedia" xəbər verir ki, ümumilikdə 500-dən çox Rusiya vətəndaşı İrandan Azərbaycana çıxış üçün qeydiyyatdan keçib. Rusiya səfirliyi Azərbaycan hakimiyyət orqanları ilə sıx koordinasiya şəraitində təxliyə prosesində həmvətənlərə hərtərəfli dəstək göstərildiyini bildirib.

Rusiya Federasiyası hökumətinin sədr müavini Aleksey Overçuk Bakıda Azərbaycan Prezidenti İlham Əliyev ilə keçirilən görüşdə Rusiya vətəndaşlarının İrandan təhlükəsiz təxliyəsində göstərilən operativ yardım və dəstəyə görə Azərbaycan rəhbərliyinə, hökumətinə və Xarici İşlər Nazirliyinə minnətdarlığını ifadə edib.