İranın Ermənistandakı səfiri yenə "Zəngəzur dəhlizi"ndən danışdı

“Bu bir korridordur, yoxsa sadəcə bir marşrut? Düşünürəm ki, bizim baxışımız Ermənistanın baxışı ilə eynidir”.

"PostMedia" xəbər verir ki, bunu İranın Ermənistandakı səfiri Xəlil Şirqolami bazar ertəsi mətbuat konfransında bildirib.

O, eyni zamanda TRIPP (Trump Route for International Peace and Prosperity) layihəsinə münasibətini açıqlayıb.

“Bəzi tərəflərin irəli sürdüyü "dəhliz" ideyası müəyyən suverenlik güzəştlərini nəzərdə tutur ki, bu həm Ermənistan üçün qəbuledilməz idi, həm də İran üçün qəbuledilməz idi.

Buna süni bir ad da təklif olunmuşdu – "Zəngəzur dəhlizi". İran bu barədə qəti şəkildə bəyan edib ki, heç bir geosiyasi dəyişikliyə, eləcə də suverenlik məsələsində heç bir dəyişikliyə dözməyəcək. İslam Respublikasının Ali Rəhbəri, bu gün itkisini yas tutduğumuz şəxs, bu süni ideyanı tənqid edən bir çox məşhur sözlər söyləmişdi.

Marşrut və ya yol isə insanların və malların hərəkəti üçün istifadə olunan istiqamətdir. İran-Ermənistan münasibətləri çərçivəsində, xüsusilə "TRIPP Yol"u ilə bağlı narahatlıqlarımız olub-olmaması məsələsində, biz həmişə Ermənistan rəsmiləri ilə müzakirələr aparmışıq. Həmişə bu müzakirələr zamanı vurğulamışıq ki, iki ölkə liderlərinin müəyyən etdiyi istiqamət üzrə irəliləməliyik və bu istiqamət, bu yol, kommunikasiya baxımından Ermənistana yeni imkanlar yarada bilsə də, heç bir halda İran əleyhinə istifadə üçün xarici qüvvələrin aləti olmamalıdır.