Aİ-nin Qırmızı dənizdə fəaliyyət göstərən hərbi-dəniz missiyası genişlənə bilər

İranla müharibə başa çatdıqdan sonra ittifaq Qırmızı dənizdə fəaliyyət göstərən hərbi-dəniz missiyasını genişləndirərək onu Hörmüz boğazına da şamil edə bilər.

"PostMedia" xəbər verir ki, bunu Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas deyib.

“Aspides" əməliyyatı artıq Qırmızı dənizdə gəmiçiliyin qorunmasına həlledici töhfə verir, lakin onun fəaliyyəti boğaza da yayıla bilər,” — deyə Kallas Avropa İttifaqına üzv ölkələrin müdafiə nazirlərinin görüşünün yekunlarına dair çıxışında bildirib.

Kallas əlavə edib ki, bəzi dövlətlər artıq missiyada iştirak üçün əlavə gəmilər ayırmağa söz veriblər. Bu isə məsuliyyət zonasının genişləndirilməsi barədə qərar qəbul ediləcəyi təqdirdə əməliyyata ciddi dəstək olacaq.