"Ağ Ev" “Washington Post”u “həftənin media cinayəti” elan edib

ABŞ administrasiyası “Washington Post” qəzetini “həftənin media cinayəti” elan edib.

Bu, Pentaqon rəhbəri Pitt Hegsetin Karib dənizində narkotik daşıyan gəmilərə hücumdan xilas olanlara “öldürmə” əmri verməsi barədə qəzetin məqaləsini dərc etməsi ilə bağlıdır.

"PostMedia" xəbər verir ki, bu barədə "Ağ Ev"in rəsmi saytında məlumat verilib.

Administrasiya virtual “utanc zalı” platformasını işə salıb.

Onların sözlərinə görə, burada saxta və ya yanıldıcı məlumat yayan media orqanları qeyd olunur. Əvvəlcə bu siyahıya "CBS News", "Boston Globe" və Britaniyanın "Independent" qəzetləri daxil edilmişdi. Onların Trampın demokratlarla bağlı açıqlamalarını təhrif etdikləri iddia olunurdu.

Bu həftə Ağ Ev “Washington Post”u tənqid edib, qəzetin iddiasına görə Hegsetin Venesuela sahillərinə yaxın gəmilərə ikinci hücumun edilməsini əmr edib.

ABŞ administrasiyası bu dərc olunan məlumatları saxta adlandırıb və bildirib ki, bu, “ABŞ silahlı qüvvələrini ləkələmək və antiamerikan əhval-ruhiyyə yaratmaq məqsədi daşıyır”.

Pentaqon da oxşar açıqlama verərək vurğulayıb ki, hücumlar beynəlxalq hüquqa uyğun həyata keçirilib.

ABŞ Karib dənizindəki əməliyyatlarını narkotik dövriyyəsinə qarşı mübarizə çərçivəsində izah edir. Sentyabr və oktyabr aylarında ABŞ qüvvələri Venesuela sahillərinə yaxın gəmiləri məhv edib, onların narkotik daşıdığı iddia olunurdu. Eyni zamanda, NBC xəbər verib ki, ABŞ Venesuelada narkotik dövriyyəsinə qarşı əməliyyatlar həyata keçirməyi nəzərdən keçirir.